Олоҕу кытта тэҥҥэ хаамсарга үрдүк үөрэх кыһалара, колледжтар үөрэтии саҥа бырагыраамаларын киллэрэллэр. 2024 сылга Саха сиригэр саҥа түөрт хайысханан исписэлиистэри бэлэмниэхтэрэ.
Быйыл өрөспүүбүлүкэҕэ саҥа идэлэргэ үөрэтии саҕаланна:
- интеллектуальнай интегрированнай систиэмэлэр;
- техническай эксплуатация уонна робот оҥорон таһаарыытын хааччыйыы;
- промышленнай оборудованиелары таҥыы, техническай хааччыйыы, өрөмүөн;
- гидравлическай уонна пневматическай оборудованиены таҥыы, техническай хааччыйыы уонна өрөмүөн.
«Тэрилтэлэр техническай өттүнэн үлэлэрин тупсарыныылара барар, ол иһин маннык исписэлиистэргэ наадыйыы улаатар. Сакаастыыллар. Үлэ миэстэлэрэ бааллар, үөрэтии саҥа бырагыраамалара арыллаллар», – диэтэ үөрэх миниистирин бастакы солбуйааччыта Михаил Присяжный 2024 сылга үөрэххэ туттарсыы туһунан быһа эпиир кэмигэр.
Үөрэххэ туттарсааччыларга анаан «ВУЗ Суперсервис» портал үлэлиир.
