24 От ыйа 24.07
  • 15°
  • $ 87,3
  • 95,46

2024 сыл Саха сиригэр Оҕо саас сылынан биллэрилиннэ

Хаартыска: ЯСИА саайта
Читайте нас на
Яндекс Новости
ЯДВ

2024 сыл Саха сиригэр оҕо саас сылынан биллэрилиннэ. Ол туһунан өрөспүүбүлүкэ баһылыга бэйэтин ыҥырыытыгар эттэ.

Айсен Николаев бэлиэтээбитинэн, сүрүн болҕомто оҕолор доруобуйатыгар ууруллуоҕа. «Толору систиэмэлээх диспансеризация, оскуолаларга доруобуйа харыстабылын тэрийии, оҕолору битэмиининэн хааччыйыы, сыстыганнаах ыарыыны утарыы, оҕо уйулҕатын харыстааһын», – диэтэ Айсен Николаев.

2024 сылга сайыҥҥы сынньалаҥҥа уонна дьарыктаах буолууга инфраструктураны сайыннарыыга биир кэлим үлэ ыытыллыаҕа. Тыа сирин муниципалитеттарыгар сайыҥҥы үлэни, экологическай, спортивнай лааҕыр тэрийиитигэр көҕүлээһиннэр өйөбүллээх буолуохтара.

«Биһиги оҕолорбут бэйэлэрин төрөөбүт өрөспүүбүлүкэлэрин билиэхтээхтэр. Кэрэ-бэлиэ миэстэлэрин кытта билсиэхтээхтэр. Бырабыыталыстыба бизнес-сообществоны кытта Оҕо саас сылыгар кырата 20 сертификатааах оҕо экскурсиялыыр уонна туристыыр маршруттарын оҥороргутугар сорудахтыыбын», – диэтэ баһылык.

Санаттахха, 2023 сыл Саха сиригэр Үлэ сылынан биллэрилибитэ. Россия президенэ Владимир Путин 2024 сылы дьиэ кэргэн сылынан биллэриллибитэ.

Следите за самым важным и интересным в Telegram-канале и WhatsApp-группе ЯСИА