2024 сыл саҕаланыаҕыттан Саха сиригэр 639 суол саахала таҕыста, онно 72 киһи тыына быһынна, 853 эчэйдэ, суруйар регион борокуратуурата.
Аҥардас ааспыт нэдиэлэҕэ региоҥҥа 13 саахал таҕыста. Үгүс өттө Дьокуускайга буолла.
Улахан саахал Тулагиноҕа буолла итирик киһи буруйунан — кыра массыына оҕолору тиэйэн испит микрооптуобуска саайылынна. Биир киһи өллө, хас да оҕо эчэйдэ.
Нэдиэлэҕэ 61 суоппар итирик туруктаах уруулга олорон тутулунна. Арыгы испит суоппардар буруйдарынан алтынньы 28 — сэтинньи 3 күннэригэр үс быһылаан таҕыста.
Ааспыт нэдиэлэҕэ 12,8 тыһыынча суол быраабылатын кэһии оҥоһулунна.
