Үс этээстээх оскуола Иван Кульбертинов аатынан уулуссаҕа баар. 990 миэстэҕэ ананар. Уопсай иэнэ 17 тыһ кв м.
33 анал кылаастаах. Фирменнай кылаастарга педагог, медик, энергетик уонна программист буолуон баҕалаах оҕолор үөрэниэхтэрэ. Эбии үөрэхтээһин бырагырааматынан айар кэлэктииптэр тэриллиэхтэрэ, туристар кулууптара, медиа-киин, интерактивнай музей, добровольчество киинэ, спортивнай кулууп уонна тыйаатыр баар буолуоҕа.
Кулинария уонна домоводство мастарыскыайа үлэлиэҕэ, манна бэйэтигэр сырье уонна бородууксуйа уурар сирдэниэҕэ. Уолаттар үлэҕэ үөрэнэр кабинеттара, кыргыттар иистэнэр мастарыскыайдара арыллыахтара. Оскуола уратытытынан манна оонньуур хостор баар буолаллар, онно оҕолор сынньаналлар.
This post was published on 09.12.2024 13:07 13:07