2024 сыл ахсынньытыгар Нам улууһун киинигэр 450 миэстэлээх 2 №-дээх орто оскуола дьиэтэ тутуллара былааннанар. Үөрэх саҥа эбийиэгин бастакы сыбаайата бэс ыйын 12 күнүгэр уурулунна.
Оскуоланы «Саха Өрөспүүбүлүкэтин үөрэҕириитин сайыннарыы» судаарыстыбыннай бырагырааматынан тутуохтара. Тутууга диэн өрөспүүбүлүкэ хайыы-үйэ 200 мөл. солк. кэриҥэ суумалаах үбү ылла, эбии харчыны Саха сирин бүддьүөтүттэн тыырыахтара, диэн регион баһылыгын уонна бырабыыталыстыбатын пресс- сулууспата иһитиннэрэр.
Оскуола дьиэтэ үс этээстээх, 17 үөрэх кабинеттаах, үс лабораториялаах, информатика, уруһуй уонна черчение кабинеттардаах, икки лингафоннай кабинеттаах буолуоҕа.
