Саха сирин арктическай зонатыгар олорооччуларга дьиэни тутууну тэрийиигэ үп кээмэйэ 12 миллиард солкуобайы куоһарар. 2024 сыл бүтүөр диэри манна 40-тэн тахса элбэх кыбартыыралаах дьиэни үлэҕэ киллэрэр былааннаахтар. Ол туһунан «Якутия 24» ханаалга «Актуальнаое интервью» биэриигэ өрөспүүбүлүкэҕэ тутуу миниистирин солбуйааччы Виталий Акопов кэпсээтэ.
Билигин Арктика 10 оройуонугар 18 дьиэ тутулла турар, манна 300-тэн тахса саҥа кыбартыыра баар. 2023-2024 сс. өссө 23 элбэх кыбартыыралаах дьиэ 11 оройуоҥҥа тутуллара былааннанар.
Виталий Акопов этэринэн, Саха сирин арктическай зонатыгар саҥа олорор дьиэ уопсай иэнэ 36 тыһыынчаттан тахса кв.м буолуоҕа.
This post was published on 17.08.2023 09:20 09:20