Сотору кэминэн оскуоланы бүтэрээччилэргэ эксээмэннэр саҕаланыахтара. Туох уларыйыы киирдэ, эксээмэни хайдах ситиһиилээхтик туттарабыт, түмүктүүр аттестацияны сатаан туттарбатах выпускник хайдах буолар — СИА-ҕа үөрэх миниистирин бастакы солбуйааччыта Алевтина Аргунова кэпсээтэ.
ЕГЭ (биир кэлим судаарыстыбаннай эксээмэн) уонна ОГЭ (сүрүн судаарыстыбаннай эксээмэн)
Билигин судаарыстыбаннай түмүктүүр эксээмэннэргэ сайабылыанньа биэриитэ салҕанан барар. 11 кылаастар докумуоннарын олунньу 1 күнүгэр, 9 кылааһы бүтэрээччилэр — кулун тутар 1 күнүгэр диэри туттараллар.
Судаарыстыбаннай түмүктүүр аттестация үс түһүмэҕинэн ыытыллар:
— ЕГЭ эрдэлээн туттарыы түһүмэҕэ кулун тутар 20-тэн муус сутар 19-гар диэри буолар;
— Сүрүн — ыам ыйын 26от ыйын 1 күнүгэр диэри;
— Эбии түһүмэх — балаҕан ыйын 6 — 19 күннэригэр.
ОГЭ-ни эрдэлээн туттарыы муус устар 21 — ыам ыйын 16 күннэригэр ыытыллар. Сүрүн түһүмэх ыам ыйын 24 — от ыйын 1 күннэрэ, эбии — балаҕан ыйын 4 — 23 күннэрэ.
Билигин баар иһитиннэриинэн, 11 кылаастарга 224 эксээмэн тутар пуун үлэлиэҕэ, 9 кылаастарга — 316.
Сиһилии https://ysia.ru/vse-ob-ege-i-oge-otvety-na-aktualnye-voprosy/
This post was published on 31.01.2023 11:28 11:28