Социальнай өҥөнү оҥорооһун туһунан федеральнай сокуону  Арассыыйа хас да регионугар эһиил пилотнай бырайыак быһыытынан киллэрэргэ бэлэмнэнэллэр. Саха сиригэр социальнай сертификаты үлэлэтиэхтэрэ, манна дьон наадыйар өҥөлөрүн оҥотторор  тэрилтэлэрин бэйэлэрэ талыахтара, диэн СИА-ҕа өрөспүүбүлүкэ баһылыгын уонна бырабыыталыстыбатын пресс- сулууспата иһитиннэрэр.

Социальнай сертификаттарынан туһаныы механизмын социальнай эйгэҕэ апробациялыахтара. Сүнньүнэн, социальнай-бытовой уонна социальнай өҥөлөр, холобур, аһы-үөлү тиэрдии, дьиэни-уоту хомуйуу, итиэннэ тастан көмөҕө наадыйар дьоҥҥо көмөлөһүү буолуоҕа.

«Дьон туһааннаах реестртэн өҥөнү толорооччуну бэйэтэ талар кыахтаныа», – диэн бырабыыталыстыба    вице-премьерэ Ольга Балабкина быһаарда.