2022 сыллааҕы Саха өрөспүүбүлүкэтин бастыҥ учууталынан Горнай улууһуттан Иван Дьяконов буолла. Кыайыылаах Бэрдьигэстээх гимназиятыгар физика учууталынан үлэлиир.
Иван Дьяконов бу гимназияҕа 5-с кылаастан 9-ка үөрэммит, 10- с кылааска өрөспүүбүлүкэтээҕи лицей-интернакка ситиһиилээхтик киирбит. Үрдүк үөрэҕин бүтэрбитин кэннэ үөрэммит оскуолатыгар үлэлии кэлбит.
