29 Кулун тутар 29.03
  • -14°
  • $ 92,26
  • 99,71

2022 сылга Саха сиригэр сылы эргиччи үлэлиир «Хотугу сулус» оҕону чэбдигирдэр киин үлэтин саҕалыаҕа

Читайте нас на
Яндекс Новости
ЯДВ

«Хотугу сулус» сылы эргиччи үлэлиир оҕо киинэ 2022 сылга Табаҕа тоҕойугар Дьокуускайтан 33 км тэйиччи Өлүөнэ эбэ кэрэ биэрэгэр дьэндэйиэҕэ. Эбийиэк оҕону эбии үөрэхтээһиҥҥэ саамай бөдөҥ уонна саҥалыы көрүүлээх бырайыак буолар. «Өйдөөх» инженернай технология уонна биир кэлим салайыы систиэмэтэ тутуһуллар. Судаарыстыбаннай-чааһынай бииргэ үлэлээһин чэрчитинэн тутуллар.


Ыам ыйын 22 күнүгэр тутуу былаһааккатыгар Ил Дархан Айсен Николаев сырытта.

Билигин корпустар уонна эбии тутуулар сыбаайалара түспүт. Ирдэниллэр техническэй дьайыылар таҥыллыбыттар.

Икки сменанан үлэлииллэр.

«Оҕону эбии үөрэхтээһиҥҥэ олус интэриэһинэй эбийиэк тутуллар Табаҕа тоҕойугар. Манна судаарыстыбаннай-чааһынай бииргэ үлэлээһин дьаһалынан «Открытие» баан үбүлээһининэн саамай анылыгыы оҕо киинэ тутуллар. Уһук илиҥҥэ РФ президенин боломуочуйалааҕа Юрий Трутнев быһаарыытынан федеральнайдааҕы грант көрүллүбүтэ. Сылын аайы манна өрөспүүбүлүкэттэн тыһыынчанан оҕо кэлэн эбии үөрэхтээһини аан дойду аныгылыы методикаларынан ааһыаҕа», — диэтэ Айсен Николаев.

Тутууну регион баһылыга көрөн баран, эһиил эбийиэк үлэҕэ киирэригэр эрэлин биллэрдэ.
Тутуу иэнэ 12 300 кв.м. түөрт утуйар корпустаах, 350 оҕоҕо аналлаах, спортивнай, медицинскай уонна үөрэтэх блоктардаах. Кииҥҥэ профориентация кластердара, видеостудия, робототехника, 3D моделирование кабинеттара, ырыа саала уонна улахан киинэтыйаатырдаах актовай саал баар буолуохтара.
Следите за самым важным и интересным в Telegram-канале и WhatsApp-группе ЯСИА