Саха сирин бырабыыталыстыбатын дьаһалынан, 2022 сылга өрөспүүбүлүкэҕэ баһаартан сэрэхтээх буолууга 31 тиэхиникэни атыылаһыахтара. Горнай улууһун Бэрдьигэстээҕэр депо дьиэтин саҥардарга былааннаатылар, диэн СИА кэпсиир.
Быйыл муус устар ыйга Амма улууһун Болугур сэлиэнньэтигэр икки массыынаҕа аналлаах депо дьиэтэ үлэҕэ киирдэ. Түөртүү массыына батар саҥа дьиэлэр Уус- Маайаҕа, Орто Халымаҕа үлэҕэ киирдилэр.
«Баһаарынай- тиэхиническэй сэбилэниилээх буолуу туһунан эттэххэ, биһиги подразделениеларбыт бары балаһыанньаҕа эппиэттиир гына хааччылыннылар. Бырабыыталыстыба дьаһалынан, эһиил лизиҥҥэ 31- тэн элбэх баһаарынай техника атыылаһыллыаҕа, олортон биирэ баһаарынай кирилиэстээх цистиэрнэ. Маны таһынан, 2022 сылга Горнай Бэрдьигэстээҕэр депо дьиэтин уларытан оҥоруу былааннанар», — диэн Саха сиринсудаарыстыбыннай баһаарынай сулууспатын начальнигын бастакы солбуйааччы Александр Трофимов иһитиннэрдэ.
