Сүрүн судаарыстыбаннай эксээмэн (ОГЭ) 2021 сылга муус устар 20 — от ыйын 1 күннэригэр ыытыллара былааннанар. Бу туһунан расписание бырайыага таҕыста. Докумуону Үөрэх министиэристибэтэ уонна Рособрнадзор бэлэмнээтилэр.
ОГЭ 2021 сылга үс түһүмэҕинэн ыытыллар: муус устар 20 — ыам ыйын 14 күннэрэ — эрдэтээҥи туттарыы, ыам ыйын 21 — от ыйын 1 күннэрэ — сүрүн, балаҕан ыйын 3 — 22 күннэрэ — эбии.
Эрдэтээҥи математикаттан саҕаланыа, сүрүн — омук тылыттан.
2020 сылга коронавируһунан сибээстээн 9 кылаастарга эксээмэн туттарыыта тохтотуллубута. Түмүктүүр сыаналар сыллааҕы үөрэх көрдөрүүтүнэн туруоруллубуттара.
Бу иннинэ БКЭ расписаниетын бырайыага бэчээттэммитэ, онно сурулларынан 11 кылаастарга эксээмэннэрэ кулун тутар 22 — от ыйын 1 күннэригэр ыытыллыахтаах, ТАСС суруйар.
This post was published on 12.10.2020 14:01 14:01