29 Кулун тутар 29.03
  • -11°
  • $ 92,26
  • 99,71

2021 сылга 2 млрд кэриҥэ солк олорор дьиэни тупсарыыга тыырыахтара

Читайте нас на
Яндекс Новости
ЯДВ

СӨ тутууга министиэристибэтин судаарыстыбаннай бырагыраамалары кытта үлэлиир департамент салайааччытын э.т. Динара Уарова «Тэтим» араадьыйа ханаалыгар «Диалог с властью» кытынна. Кини 2021 сылга регионнааҕы уонна федеральнайдааҕы бырагыраамаларынан олорор дьиэлэрин тупсарыныыга өйөбүл төлөбүрү араас категорияҕа хапсар дьон уонна ыаллар ылыахтарын сөбүн эттэ. Сыаллаах көрүллэр уопсай суумата 2 млрд кэриҥэ солк, суруйар СИА.


Биэс уонна онтон элбэх оҕолоох 55 эдэр ыалга дьиэ ылыналларыгар уопсайа 200 мөл солк көрүллэр. Кинилэри сэргэ уон уонна онтон элбэх оҕолоох үс ыал харчынан өйөбүлгэ тиксиэхтэрэ.

Арктика оройуоттарыгар үлэлиир 45 педагог уонна медик дьиэлэниэхтэрин сөп. Өрөспүүбүлүкэ бюджетыттан бу сыалга 81 мөл солк бэриллэр.

«Федеральнайдааҕы бырагыраамаҕа 373 эдэр ыал сөп түбэһэр, кинилэргэ уопсайа 159 мөл солк тыырыллар. Икки сэрии бэтэрээнин дьиэлиибит быйыл, онно 16 мөл солк, 34 бойобуой дьайыылар кыттыылаахтара — 101,6 мөл солк, 34 инбэлиит — 96,9 мөл солк. 244 тулаайах оҕо уопсайа 788 мөл солк көмөнү дьиэлэнэллэригэр тутуохтара», — диэтэ Динара Уарова.

Кини Уһук хотуттан көһүү бырагыраамата салгыы үлэлиирин эттэ. 120 киһи сертификатка наадыйар, бу 275 мөл солк. Маны сэргэ 63 киһи олорорго сөбө суох усулуобуйаларын уларыталларыгар федеральнай бюджеттан – 219 мөл кэриҥэ солк ылыахтара.

Следите за самым важным и интересным в Telegram-канале и WhatsApp-группе ЯСИА