Дьокуускай куорат физкултуураҕа уонна спортка управлениета спортка сыл түмүктэрин таһаарда. Бастыҥ спортменнары бэлиэтээтэ.
«Бастыҥ спортсмен» номинация лауреаттарынан буоллулар:
— Андреев Владислав — «Анри Деглан» международнай турнир призера, Белоруссия Кубогын кыайыылааҕа.
— Толмачев Максим — Россияҕа бастыыр иһин уонна Миндиашвили аатынан Академия бирииһин иһин Россиятааҕы күрэхтэһии чемпиона.
— Копырин Николай — юниордарга полумарафоҥҥа Россияҕа кыайыылааҕа, УИФУо күрэхтэһиитин призера.
— Макаров Айаал — компакт-спортиҥҥа Россия Кубогын кыайыылааҕа.
— Моисеева Аина — дзюдоҕа Россия күрэхтэһиитин призера, юниордарга Европаҕа бастыыр иһин күрэхтэһии кыттыылааҕа.
— Белолюбскай Айаал — көҥүл тустууга Россияҕа бастыыр иһин күрэхтэһии призера.
— Рязанова Арина — шорт-трекка кыһыҥҥы оонньууларга Спартакиада икки төгүллээх чемпионката.
— Стручков Николай — нуучча дуобатыгар Россия чемпиона.
— Черноградскай Павел — мас-рестлиҥҥа Россия чемпиона.
— Филиппов Леонид — 2020 сыллааҕы Дыгын оонньууларын кыайыылааҕа.
«Спорт адаптивнай көрүҥэр бастыҥ спортмен» номинация:
— Балынец Владимир — пауэрлифтиҥҥа аан дойду чемпиона.
— Каторгина Евдокия — истибэттэргэ буулдьанан ытыыга Россия чемпионката.
— Чемпосов Валерий — истибэттэргэ көҥүл тустууга Россия чемпионатын үрүҥ көмүс призера.
Источник: Sportyakutia.ru
This post was published on 17.12.2020 18:01 18:01