13 От ыйа 13.07
  • 19°
  • $ 87,74
  • 95,76

2000 кэриҥэ Саха сирин олохтооҕо "Демография" бырайыагынан саҥа идэни баһылаатылар

Читайте нас на
Яндекс Новости
ЯДВ

Быйыл Саха сиригэр «Демография» нацбырайыагынан профессиональнай үөрэҕи 1832 киһи ааста. Эбии компетенция ылыы кэнниттэн, 93%-нара үлэҕэ киирдилэр. Ол туһунан дьарыктаах буолуу кэмитиэтин бэрэссэдээтэлэ Елена Калашникова СИА-ҕа эттэ. 

Елена Калашникова эппитинэн, 2021 сыллааҕы барыллаан түмүгүнэн, «Демография» бырайыагынан кэмитиэтинэн 1832 киһи анал үөрэҕи ааста. Ол дьонтон үлэҕэ киирии бырыһыана — 93%.

«Бырайыагынан саамай элбэх киһи Нерюнгри, Мэҥэ Хаҥалас, Амма, Уус Алдан уонна Хаҥалас оройуоннарыттан үөрэннэ. Бырагыраама түмүгүн дьон төһө үлэҕэ киирбитинэн сыаналыыбыт, бүгүҥҥү күҥҥэ ити көрдөрүү 93% тэҥ», — диэтэ кини.

Калашникова эппитинэн, дьарыктаах буолуу кииннэрэ улуус аайы баар.

«Демография» найбырайыак таһынан эбии профессиональнай үөрэҕи «Нэһилиэньэ дьарыктаах буолуутугар көмө» бырагырааманан эмиэ ааһаллар. Манна ааһан эрэр сылга 2,5 тыһ тахса киһи үөрэннэ.

Следите за самым важным и интересным в Telegram-канале и WhatsApp-группе ЯСИА