Саха сиригэр полиция «Трудовой мигрант» профилактическай дьаһал чэрчитинэн 200-тэн тахса административнай кэһиини булла, диэн иһитиннэрэр ИДЬМ регионнааҕы пресс-сулууспата.
Рейдэлэр кэмнэригэр миграннар 2409 олорор уонна үлэлиир эбийиэктэрэ чинчийилиннилэр, 3156 омук граждана бэрэбиэркэлэннэ.
Барыта 208 административнай кэһии баара билиннэ, олортон үксэ киирии быраабылаларын, олорор эрэһиими уонна бэрээдэгин кэһиини, миграция хонтуруолун ааһартан куотууну, патент болдьоҕун кэһиини уонна миграция учуотугар сымыйа иһитиннэриини биэриини кытта сибээстээх.
Дьокуускайга, ону тэҥэ Сунтаар уонна Өймөкөөн оройуоннарыгар полиция үлэһиттэрэ миграция эйгэтигэр буруйу оҥоруу бэлиэлэрин киллэрэр 9 чахчыны докумуоннаатылар.
Тэрээһиннэри ыытыы кэмигэр 65 омук гражданыгар Россия Федерациятыгар киириини көҥүллээбэт туһунан быһаарыы ылылынна.
Тэрээһиннэр салҕанан бараллар.
This post was published on 28.08.2025 18:11 18:11