21 Тохсунньу 21.01
  • -48°
  • $ 73,82
  • 83,32

20 нэһилиэк тыа хаһаайыстыбатын сайыннарыыга граннары ылыаҕа

18:08, 11 июля 2016
Текст:

Тыа хаһаайыстыбатын, ас-үөл политикатын министиэристибэтигэр өрөспүүбүлүкэ нэһилиэктэрин баһылыктара грант иһин бырайыактрын көмүскүүллэр. Грант кээмэйэ биир нэһилиэккэ – 3 мөл.солк.


Бырабыыталыстыба бэрэссэдээтэлин бастакы солбуйааччы – тыа хаһаайыстыбатын миниистирэ Петр Алексеев салайааччылаах хамыыһыйа куонкуруска киирбит бырайыактары көрдө. Манна биллибитинэн, бырайыактар үгүстэрэ тыа хаһаайыстыбатын тэрилтэлэрин оҥорон таһаарыытын үрдэтиигэ туһуламмыттар. Манна хотоннору, сылгыны иитэр базалары тутуу, оттуур сирдэри тупсарыы, бөдөҥ тиэхиньикэни атыылаһыы, о.д.а баар.

Элбэх нэһилиэктэр бырайыактарга эбии үбү-харчыны көрөллөр. Холобур, Нам улууһун Үөдэй нэһилиэгин баһылыга Семен Ядреев этэринэн, 100 төбөҕө анаммыт комплексы тутууга эбии үп-харчы биэрэр.

Таатта Игидэйин баһылыга Руслан Захаров этэринэн, үс хаһаайыстыбаҕа 50-нуу миэстэлээх үс хотону тутар быһаарыыны ылбыттар. Нэһилиэк СХПК 300 төбөҕө анаммыт хотону былаанныыр. Прицептээх ДТ-75 тыраахтары атыылаһыыны, ити тиэхиньикэнэн сири оҥорууну, оттуур сирдэртэн ууну сүүрдэр соруктаахтар.

Баһылыктар сайылыктарга тиийэр суолу оҥоруу улахан суолталааҕын ыйдылар. Ол эрээри, суолу оҥоруу атын сиртэн үбүлэнэринэн министиэристибэ аккаастыырга күһэлиннэ. Мэҥэ Хаҥалас Бэдьимэтин баһылыга Федор Баишев нэһилиэнньэттэн сүөһүнү атыылаһарга этии киллэрдэ. Бырайыактарга бүтэһиктээх быһаарыылар бу нэдиэлэҕэ ылыахтара.

0
0
21 января 21.01
  • -48°
  • $ 73,82
  • 83,32