24 От ыйа 24.07
  • 17°
  • $ 87,3
  • 95,46

2 тыһыынчаттан тахса дьиэ кииннэммит ититиинэн хааччыллыа

11:24, 26 октября 2016
Текст:
Читайте нас на
Яндекс Новости
ЯДВ

Быйыл 2315 дьиэ кииннэммит ититиигэ холбонор. Сыл аайы оһоҕунан оттуллар дьиэ ахсаана аҕыйыы турарын туһунан ДьКХ ГУП пресс-сулууспатыгар этэллэр.


Бу тэрилтэ сыл аайы аныгы оборудованиенан ситэриллибит хочуолунайдары үлэҕэ киллэрэр.

Кэлиҥҥи биэс сылга 6,5 тыһыынча дьиэ инженернэй ситимҥэ холбоммут. Быйылгы былаан быһыытынан, үс бырагыраама чэрчитинэн 2315 дьиэ кииннэммит ититиинэн хааччыллыа.

СӨ ДьКХ ГУП инвестиционнай бырагырааматынан 2016 сылга 8,2 км уһуннаах магистральнай уонна дьиэ иһинээҕи итиини хааччыйар тиһик тардыллар. Манна кэтэх 199 дьиэ холбонуохтаах. Үлэ сэтинньигэ түмүктэниэхтээх. Ити туһунан ДьКХ ГУП производственнай-техническэй департаменын салайааччыта Павел Емельянов эттэ.

2012-2017 сылларга болдьохтоох ДЬКХ хаачыстыбалаах өҥөтүнэн туһаныы уонна электроэнергиэтикэни сайыннарыыга анаммыт судаарыстыба бырагырааматын хос бырагырааматынан сэтинньи бүтүөр диэри 343 дьиэ итиигэ холбонуо.

Муниципалитеттар дьаһалталарын кытта хос үбүлээһин быһыытынан 1430 дьиэ ититии тиһигэр холбонуохтаах.

Следите за самым важным и интересным в Telegram-канале и WhatsApp-группе ЯСИА