От ыйын 2 күнүгэр, сарсын ДьТХА ипподромугар 2 мөл. тахса солк. бириис фондалаах ат сүүрдүүтэ буолаары турар.
«Хас биирдии сүүрүү – биһиэхэ барыбытыгар улахан суолталаах тэрээһин. Быйылгы сүүрүүгэ 40 тахса ат сүүрүөҕэ. Сүүрдүү киэһэ 17.00 чаастан саҕаланар», —диэн СИА-ҕа тренер Мария Романова эттэ.
Сарсын 7 сүүрүү буолара былааннанар. Саха сирин бырабыыталыстыбатын бирииһигэр уонна «Дерби» болҕомто эргийэр киинигэр тураллара саарбахтаммат.
Бу икки сүүрүүгэ мөлүйүөн оонньонуоҕа. Ол курдук, 500 тыһ. солк. кыайыылаахха туттарыахтара, оттон иккискэ — 250 тыһ.солк., үһүскэ — 150 тыһ.солк. уонна төрдүскэ — 100 тыһ.солк. бириис быһыытынан биэриэхтэрэ.
ДьТХА бастакы миэстэҕэ 12 тыһ.солк., иккискэ – 8 тыһ.солк., оттон үһүскэ – 5 тыһ.солк. бириис быһыытынан туруорда. Ону таһынан 2400 м. уһуҥҥа албан ааттаах «СпидСтар» бирииһэ баар.
This post was published on 01.07.2016 14:10 14:10