Бүгүн Саха сиригэр икки оройуоҥҥа быыбар буола турар. Бүлүү улууһугар оройуон Сэбиэтин 22-с уокуруктааҕы учаастагыттан депутаты уонна Өкүндэ нэһилиэгэр, Усуйаана Уус-Куйгатыгар баһылыктары талаллар.
173 №-дээх быыбардыыр учаастак хамыыһыйатын сэкирэтээрэ Мария Донская иһитиннэрбитинэн, быыбар Үгүлээккэ уонна Тылгыныга буола турар. Үс кандидат баар. Быыбардааччы ахсаана 440 киһи. «Киэһэ 5 чааска 126 киһи куоластаата. Ааспыт быыбардары кытта тэҥнээн көрдөххө, кыттааччы ахсаана арыый да аҕыйах. Ити эрээри мантан киэһэ кэлиэхтэрэ диэн күүтэбит», — диэтэ.
Үгүлээккэ сарсыарда 8 чааска аан маҥнайгынан Анатолий Петров куоластаабыт. «Бу быыбарга испииһэккэ киирбитинэн саҥа 18-с саастарын туолбут икки эдэр быыбардааччылаахпыт. Инна Мандарова бэйэтин куолаһын биллэрбитэ», — диэтэ хамыыһыйа сэкирэтээрэ.
This post was published on 13.03.2016 18:02 18:02