2024 сылга Саха сирин баһылыгын граныгар 16 социальнай суолталаах хайысха бигэргэннэ. Уопсай суумата 102 мөл солк.
«Сайаапканы ылыы кулун тутар 25 күнүттэн саҕаланар уонна 30 халандаар күнүн устата ыытыллар — муус устар 23 күнүгэр диэри. Барыта 45 эксперт араас эйгэттэн кыттыаҕа. Сыаналыыр үлэни федеральнай таһымнаах эксперт ыытыаҕа», – диэтэ бырабыыталыстыба бэрэссэдээтэлин солбуйааччы Ольга Балабкина.
Грант өйөбүлүн хайысхалара — ыччат бэлиитикэтэ, патриотическай иитии, волонтерство, дьиэ кэргэни уонна оҕону өйөөһүн, тыл сайдыыта уонна да атыттар.
Ааспыт сылга барыта 414 сайаапка киирбитэ, 71 бырайыак талыллыбыта, уопсай суумата 117 мөл солк.
This post was published on 22.03.2024 15:28 15:28