Арассыыйа Баанын дириэктэрдэрин сэбиэтэ 100 солкуобайдаах кумааҕы харчы саҥардыллыбыт дизайнын бигэргэппитин туһунан Киин Баан баһылыга Эльвира Набиуллина иһитиннэрдэ диэн объясняем.рф саайт суруйар.
Кини этэринэн, билигин Арассыыйа Баанын уонна Гознак худуоһунньуктара купюра эскииһин оҥоро сылдьаллар.
«Саҥа дизайннаах харчы презентациятыгар бэлэмнэнии бара турар. Биһиги гражданнар санааларын, онлайн-куоластааһын түмүгүн учуоттаатыбыт», — диэн Эльвира Набиуллина эппит.
Кини бу саҥа купюра символларын Приволжскай федеральнай уокурук бэлиэ сирдэриттэн талбыттарын туһунан иһитиннэрбит, суруйда Саха сирэ саайт.
