Саха сиригэр үөрэх эйгэтин үлэһиттэригэр Саха АССР 100 сылыгар анаан куонкурус биллэрдилэр. Куонкуруска сүрүн уонна эбии үөрэхтээһин программаларын олоххо киллэрэр 5 сылтан итэҕэһэ суох стажтаах педагогтар кыттыыны ылыахтарын сөп, диэн СИА- ҕа өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрэр.
«Хаачыстыбалаах үөрэх учууталлартан, иитээччилэртэн кинилэр квалификацияларыттан тутлуктаах. Өрөспүүбүлүкэҕэ учууталлар идэлэригэр үрдүк таһымы ситиһэллэригэр бары усулуобуйаларын тэрийэбит, кинилэр көҕүлээһиннэрин уонна саҕалааһыннарын өйүөхпүт», — диэн Айсен Николаев бэлиэтээн турардаах.
Куонкуруһу СӨ үөрэҕин уонна наукатын министиэристибэтэ уонна үөрэх сайдыытын уонна квалификацияны үрдэтэр института тэрийиэҕэ. СӨ кэлэр көлүөнэтин тус сыаллаах фондата АО «РНГ»кытары туһааннаах дуогабары түһэристэ.
Хамыыһыйа сайаапканы кулун тутар 5 күнүттэн ылан саҕалыаҕа, 2022 сыл бастакы аҥаарыгар түмүгү таһаарыаҕа. Сиһилии куонкурус усулуобуйатын туһунан сайтка билсиэххэ син https://minobrnauki.sakha.gov.ru/uploads/ckfinder/userfiles/2022/02/02/files/Приказ-МОиН-РСЯ-О-специальных-премий-к-100-летию — ЯАССР-2.pdf
This post was published on 07.02.2022 17:01 17:01