Уфаҕа «Акбузат» ипподромҥа балаҕан ыйын 12 күнүгэр «Терра Башкирия» ат сүүрдүүтүн түмүктүүр түһүмэҕэ буолла. Манна Башкортостан баһылыгын бирииһэ оонньонно. Регион салайааччыта Радий Хабиров бирииһи бэйэтэ туттарда. Кыайыылааҕынан Саха сириттэн жокей Александр Лиханов буолла, “Спорт Якутии” суруйар.
«Терра Башкирия» күрэхтэһии түмүктүүр киирсиитигэр сүүмэрдиир этаптарга кыайбыт 12 спортсмен кытынна. Эпидемиологическай балаһыанньанан көрөөччүтэ суох ыытылынна.
«Акбузат» ипподромҥа Башкортостан баһылыгын бирииһигэр киирсиигэ Саха сирин жокейа Александр Лиханов кыайда, кини Туймазинскай оройуон аатыттан киирдэ, “Спорт Якутии” суруйар. Реактивити диэн ааттаах ат 2400 м уһуҥҥа бастыҥ көрдөрүүлээх – 2.43,2.
Реактивити бу иннинэ ханна да кыайбыта бэлиэтэммэт. Спортсмен Александр Лиханов, тренер Флюр Батыров уонна ат хаһаайына Радик Гареев сүрүн бирииһи уонна 250 тыһ солк суумаҕа сертификат туттулар. Бириис пуондата барыта — 500 000 солк.
Александр Лиханов бу сезоҥҥа чахчы кыахтааҕын көрдөрдө. Кини маастар-жокей нуорматын толорбута. 2020 сылга барыта тоҕус кыайыыны сурунна.
Александр Посельский, Sportyakutia.ru
