СӨ бастайааннай бэрэстэбиитэлистибэтэ биир дойдулаахпыт метро дэлби тэптэриитигэр эмсэҕэлээтэ диэн биллэриини бигэргэппэтэ.
«Бүгүн Санкт-Петербурга алдьархай ааҥнаата, теракт буолла. Бастайааннай бэрэстэбиитэлистибэ үлэһиттэрэ сибээһи тутан олоробут, баар испииһэги бэрэбиэркэлиибит. Саха сириттэн сылдьар икки устудьуон оҕо теракка түбэстэ диэн информация социальнай ситимҥэ тарҕана оҕуста. Биһиги тута кинилэри кытта сибээскэ тахсыбыппыт. Бары дьиэлэригэр бааллар, этэҥҥэлэр», — диэн кэпсээтэ СИА-ҕа постпред солбуйааччыта Юрий Кравцов.
Кини этэринэн, теракт кэмигэр биир кыыс чахчы атын поездтан тахсан испит, дьолго, туох да буолбатах.
