29 Кулун тутар 29.03
  • -13°
  • $ 92,26
  • 99,71

Юрий Григорьев: Конституцияҕа көннөрүүлэр парламент боломуочуйатын кэҥэтиэхтэрэ

12:01, 10 июня 2020
Текст:
Читайте нас на
Яндекс Новости
ЯДВ

Ил Түмэҥҥэ «Сиэрдээх Россия» баартыйа фракциятын салайааччы Юрий Григорьев Владимир Путин Конституцияҕа көннөрүүлэри киллэрии туһунан ыйааҕар санаатын эттэ.


 «Президент этиитин толору өйүүбүн. Дойду социальнай-экономическай сайдыытыгар туһуланар оруоллаах. Дьон интэриэһин уонна туруктаах буолууну мэктиэлиир. Социальнай мэктиэни кэҥэтэр тосхоллоох. Маны сэргэ парламент боломуочуйатын күүһүрдэр кыахтаах. Билигин дьон депутаттарын нөҥүө бырабыыталыстыба чилиэннэрин анааһыҥҥа кыттыыны ылыахтарын сөп», — диэтэ Юрий Григорьев.

Кини бэлиэтээбитинэн, Ил Түмэҥҥэ «Сиэрдээх Россия» фракция президент быһаарыытын өйүүр.

Юрий Григорьев эппитинэн, баартыйа конституцияҕа киллэриллэр көннөрүүлэргэ көхтөөхтүк кыттыбыт, эсердэр хас да этиилэрэ түмүктүүр вариаҥҥа киллэриллибит. Чопчулаатахха, биэнсийэ индексациятын пуунугар.

«Биһиги баартыйабыт көннөрүүлэри эрэ киллэриинэн муҥурдммат, куоластааһын көхтөөхтүк ыытылларыгар эмиэ күүскэ үлэлиир«, — диэн фракция салайааччыта судаарыстыбаннай мунньах пресс-сулууспатыгар эттэ.

Следите за самым важным и интересным в Telegram-канале и WhatsApp-группе ЯСИА