29 Кулун тутар 29.03
  • -15°
  • $ 92,26
  • 99,71

Ыраах нэһилиэктэргэ кэлээччилэртэн коронавируска экспресс-тестары туттаралларын ирдиэхтэрэ

17:01, 04 декабря 2020
Текст:
Читайте нас на
Яндекс Новости
ЯДВ

Улуус кииниттэн уонна куораттартан ыраах нэһилиэктэргэ кэлэр дьон коронавируска ИФА, ИХА ньымаларынан экспресс-тест туттарыахтара. Бу туһунан Ил Дархан Айсен Николаев бүгүн баһылыктары кытары мунньаҕар эттэ. Дьаһал туолуутун улуус баһылыктара хонтуруоллуохтара.


Ил Дархан коронавируһунан ыалдьыы билигин да элбэҕин, ол эрэн ыарахан туруктаах ыарыһах уонна балыыһаҕа киирии аҕыйаабытын эттэ.

«Кыһыҥҥы суоллар аһылланнар сырыы элбээн ыраах, суола-ииһэ суох кырыы нэһилиэктэргэ ыарыы туруута бэлиэтэнэр буолла. Бу оройуон, нэһилиэк салалтатын өттүттэн хонтуруол ситэтэ суоҕун көрдөрөр», — диэтэ Айсен Николаев. Кини улуус кииниттэн уонна куораттартан ыраах нэһилиэктэргэ кэлэр дьон коронавируска ИФА, ИХА ньымаларынан экспресс-тестары туттаралларын ирдиири эттэ.

Маны таһынан, Айсен Николаев кэлэр нэдиэлэттэн коронавирустан быһыыны биэрии саҕаланарын эттэ. Бастакы 200 дозаны өрөспүүбүлүкэ улахан куораттарын мэдиссиинэ тэрилтэлэринэн үллэриэхтэрэ. Саҥа дьылга диэри өссө 600 доза кэллэҕинэ улуустарга «кыһыл» зонаҕа үлэлиир медиктарга биэриэхтэрэ. Маассабай вакцинация кэлэр сылтан саҕаланыа. Медиктар кэннэ быһыыны социальнай үлэһиттэр, үөрэх тэрилтэтин үлэһиттэрэ бастакынан ылыахтара.

Следите за самым важным и интересным в Telegram-канале и WhatsApp-группе ЯСИА