Ыччат, дьиэ кэргэн бэлиитикэлэрин министиэристибэтин тэрийиитинэн балаҕан ыйын 9-10 куннэригэр ыччат уопсастыбаннай түмсүүлэрин өрөспүүбүлүкэтээҕи үһүс съеһэ ыытыллар. Быйылгы сьезд «Түмсүүлээх ыччат — Саха сирин сайдыыта» диэн девиһинэн барар.
Дьаһал сүрүн сыалынан, уопсастыбаннай түмсүүлэр өрөспүүбүлүкэ социальнай-экономическай сайдыытын туһугар үлэлэрин чопчулааһын буолар.
Манна саҥалыы көрүүлээх ыччат уопут атастаһыа уонна араас хайысхалаах төгүрүк остуолларга, түөрт секцияларынан араарллыбыт хайысхаларга баар кыһалҕалары дьүүллэһиэхтэрэ.
Ол курдук, «Ыччат көҕүлээһиннэрэ” диэн улахан хайысхаҕа сүрүннээн, уопсастыбаннай түмсүүлэри хайдах тэрийиэххэ, гран куонкурустарыгар хайдах кыттыахха сөбүн туһунан кэпсэтии барыаҕа.
«Эдэр исписэлиистэр» секцияҕа үлэ коллективтарыгар ыччат уопсастыбаннай түмсүүлэрин тэрээһинин, эдэр үлэһит анал туругун туһунан сокуон ырытыһыы киинигэр тутуллуоҕа.
«Ыччаты патриот тыыныгар иитии” хайысхаҕа тыа сиригэр эдэр дьону олохсуйуутун, духуобунай эйгэҕэ ыччаты иитии, көлүөнэлэр солбуһууларын, төрөөбүт дойдуга бэриниилээх буолуу туһунан кэпсэтии-ырытыы буолуоҕа.
Съезд икки күннээх үлэтигэр өрөспүүбүлүкэ ыччата бүгүҥҥү күнүн, сарсыҥҥы саргытын тула боччумнаах, дьоһун кэпсэтии, ырытыы, саҥа былааннары торумнааһын, ылыныы күүтэр.Тэрийээччилэртэн биирдэстэрэ, Ыччат бырабыыталыстыбата съезд чэрчитинэн күрэхтэһии ыытыаҕа уонна бастыҥ уопсастыбаннай түмсүүнү бэлиэтиэҕэ.
