2021 сылга «ЯТЭК» Бүлүү улууһун Кыһыл Сыырын сиригэр-уотугар экология боппуруоһугар улахан болҕомтотун уурар үлэтин салгыаҕа. Ол туһунан хампаанньа сүрүн дириэктэрэ Андрей Коробов Ил Дархан Айсен Николаевтыын көрсүһүүтүгэр эттэ.
Хампаанньа салайааччыта Андрей Коробов тэрилтэ үлэтин көрүү кэмигэр отчуотаабытынан, ЯТЭК 2020 сылга бытовой ууну ыраастыыр систиэмэни тутта, итиэннэ биэс туонна тимири ыраастааһыҥҥа бырагырааматын саҕалаата. Анал пресстиир тэрил ылла уонна икки сылынан үлэни бүтэрэр былааннааҕа этилиннэ.
Хампаанньа Кыһыл Сыыр социальнай-экономическай сайдыытыгар туһуламмыт тэрээһиннэргэ кыттар. Ааспыт сылга үлэһиттэргэ анаан 10 олорор дьиэ тутуллубут. Бөһүөлэк благоустройствотыгар ылсар, туттулубут кытаанах бөҕү мунньар полигон тутар, гаражтаах оскуола мастарыскыайын тутар, уулуссаны оҥорууга ылсар былааннаах.
2021 сылга «ЯТЭК» 1 745 мөл куб.м. айылҕа гааһын хостуур былааннаах.
Айсен Николаев хампаанньа 2020 сылга үлэтин уонна былаанын бэлиэтээтэ, олохтоох нэһилиэнньэ олоҕун хаачыстыбата тупсарыгар сөптөөх үлэ диэн сыаналаата.
