Москваҕа Саха сирин Ил Дархана Егор Борисов бырабыыталыстыба бэрэссэдээтэлэ Евгений Чекины уонна регион праламенын бэрэссэдээтэлэ Александр Жирковы кытары “Сумма” хампаанньалар бөлөхтөрүгэр киирэр “Дьокуускайдааҕы оттук-энергетическай хампаанньа” ААУо-ну тула үөскээбит балаһыанньаҕа анаммыт сүбэ мунньаҕы ыытта.
“”ЯТЭК”-ы бас билэр, хонтуруолуур уорган да буолбатахпыт эрээри, бу тэрилтэттэн өрөспүүбүлүкэ олоҕун хааччыйыы тутулуктааҕын өйдүүбүт. Онон биһиги гражданнарбыт тустарыгар бары бииргэ сокуон чэрчитинэн бииргэ үлэлиэхтээхпит”, — диэтэ Егор Борисов.
Чекин этэринэн, “ЯТЭК” туһунан бастакы сигналлар киирбиттэрин кэннэ кини уонна бырабыыталыстыба атын чилиэннэрэ хампаанньа дириэктэрдэрин сэбиэтин бэрэстэбиитэллэрин уонна кирэдьиит биэрбит бааннары кытта көрсүбүттэр.
“Бу көрсүһүүлэр түмүктэригэр хампаанньа балаһыанньата бигэ туруктаах диэн этиэххэ сөп”, — диэтэ премьер.
СӨ Судаарыстыбаннай Мунньаҕын (Ил Түмэн) бэрэссэдээтэлэ Александр Жирков чугастааҕы сессияҕа дьокутааттар бырабыыталыстыба бэрэссэдээтэлин “ЯТЭК” хампаанньа тула үөскээбит балаһыанньа туһунан иһитиннэриитин истиэхпит диэтэ.
Егор Борисов парламент уонна бырабыыталыстыба оробуочай бөлөҕүн тэрийэргэ эттэ.
СИА.
