Ыам ыйын 4 күнэ Бикипиэдьийэҕэ сурулларынан, Латвияҕа өрөбүл күн — Тутулуга суох буолуу сөргүтүллүбүтүн бэлиэтииллэр. 1960 сыллаахха ССРС-ка харчыны уларытыы туһунан уураах ылыныллыбыт, оттон Саха сиригэр 1923 сыллаахха бу күн Максим Аммосовка, автономияны ыларга сыралаһан охсуспутун иһин, «Саха омук» бочуоттаах чилиэнин аатын иҥэрбиттэр.
🔹 Элбэх дойдуга бүгүн Мөрөйдөөһүнү утарыы күнэ. Күн аайы дьон бөҕөнү, үксүн оҕону, ыччаты туох эрэ уратылаахтарынан туоратан атаҕастыыллар, күлүү-элэк оҥостоллор.
🔹1838 — Нуучча суруйааччылара Тарас Шевченкоҕа помещиктан көҥүл атыыласпыттар.
🔹1923 — «Саха омук» культурнай-сырдатар уопсастыба бырабылыанньата М. К. Аммосовка «Саха омук» бочуоттаах чилиэнин аатын иҥэрбит. Төрүөтэ: Саха уобалаһыгар автономияны ыларга дохсуннук уонна сыралаһан охсуспутун иһин.
🔹1951 — «Кыым» хаһыакка Саха сиринээҕи баартыйа обкомун пленума Илья Винокуровы ВКП(б) обкуомун бастакы сэкиритээриттэн устубутун туһунан биллэриитэ тахсыбыт.
🔹1960 — ССРС-ка харчыны уларытыы туһунан уураах ылыныллыбыт. Ол уурааҕынан саҥа 1961 сылтан саҥа солкуобай олоххо киирбит. «Урукку» 10 солкуобай биир саҥа солкуобайга тэҥнэспит.
🔹1990 — Латвия Үрдүкү Сэбиэтэ Латвияны ССРС састаабыгар күүс өттүнэн киллэриини сыыһанан аахпыт уонна Латвия Өрөспүүбүлүкэтин тутулуга суох дойдунан биллэрбит.
Төрөөбүттэр:
🔸1945 — Мэҥэ Хаҥалас Нуораҕанатыгар үҥкүүһүт, балет артыыһа, педагог Клавдия Иванова. Кини кэргэнэ Алкивиад Иванов — аатырбыт тустуук, хирург, элбэх устудьуону хирургияҕа үөрэппит учуутал этэ.
Өлбүттэр:
🔹1640 — Фламандия аатырбыт худуоһунньуга Петер Паул Рубенс. Кинини кытта билигин баар 3000-тан тахса хартыынаны ситимнииллэр.
🔹1979 — Амма Эмиһиттэн төрүттээх Василий Чемезов, Саха Өрөспүүбүлүкэтин билимин үтүөлээх диэйэтэлэ, устуоруйа билимин хандьыдаата.
🔹1991 — Ньурба Маалыкайыттан төрүттээх Василий Петров (1939—1991), филология дуоктара, фольклорист, литературовед.
🔹1993 — Бороҕон улууһун Хоро нэһилиэгэр Кулантай — саха сэбиэскэй суруйааччыта, уопсатыбаннай диэйэтэлэ.
https://sah.wikipedia.org/wiki/Хоро_нэһилиэгэ_(Уус-Алдан_улууһа)
https://sah.wikipedia.org/wiki/Халыып:Бу_күн:05-04
https://sah.wikipedia.org/wiki/Иванова_Клавдия_Алексеевна
https://sah.wikipedia.org/wiki/Петер_Паул_Рубенс
https://sah.wikipedia.org/wiki/Петров_Василий_Тимофеевич
https://sah.wikipedia.org/wiki/Тарас_Шевченко
https://sah.wikipedia.org/wiki/Чемезов_Василий_Назарович
https://sah.wikipedia.org/wiki/Винокуров_Илья_Егорович
