Ыам ыйын 28 күнүгэр Азербайджааҥҥа Өрөспүүбүлүкэ күнэ, Арменияҕа Бастакы Өрөспүүбүлүкэ күнэ, Арассыыйаҕа, Беларуська, Кыргыстааҥҥа, Казахстааҥҥа — Пограничник күнэ бэлиэтэнэллэр. «Бүгүн пограничниктар профессиональнай бырааһынньыктарынан эҕэрдэ туталлар. РФ Президенэ Владимир Путин сарсыардаттан «дойдуга уонна Россия олохтоохторугар куттал суоһаабатыгар» туруулаһар эр санаалаах, хоһуун дьоҥҥо «үтүө суобастаах үлэлэрин, бирисээгэҕэ бэриниилэринн иһин» махтанна», — диэн суруйар Бикипиэдьийэ дьаһабыла Николай Попов-Халан.
🔹1858 — Арассыыйа уонна Кытай икки ардыларыгар Айгун дуогабара түһэрсиллибит. Амыр өрүһүн хоту өттө Арассыыйа састаабыгар киирбит, оттон Уссури кыраайа холбоһуктаах бас билии буолбут.
🔹1905 — Цусима кыргыһыытыгар Дьоппуон флота Балтикаттан кэлбит Арассыыйа флотун үлтүрүппүт.
🔹1937 — Билиҥҥи кэмҥэ (2019 с.) аан дойдуга саамай бөдөҥ массыына оҥорооччу хампаанньа Фольксваген тэриллибит.
🔹1998 — «Чагай-I» бырайыак чэрчитинэн Пакистан бэйэтин бастакы атомнай бомбаларын дэлби тэптэрбит. Инньэ гынан Пакистан ядернай сэрии сэбин бас билэр ахсыс судаарыстыба буолбут.
🔹2006 — Баку-Тбилиси-Чэйхан ниэп турбата Чэйхаҥҥа (Туурсуйа) тиийбит.
🔹2018 — Егор Борисов Саха Өрөспүүбүлүкэтин Ил Дархана буолан бүппүт, кини оннугар Ил Дархан эбээһинэһин быстах кэмҥэ толорооччуннан Николаев Айсен Сергеевич анаммыт.
Төрөөбүттэр:
🔸1952 — Анаабыр улууһун Үрүҥ Хайа сэлиэнньэтигэр Юрий Спиридонов — саха норуодунай худуоһунньуга.
🔸1955 — Сунтаар Түбэйигэр бэйиэт, суруналыыс, түмэт диэйэтэлэ Иван Николаев — Уххан.
Өлбүттэр:
🔹1968 — снайпер, Сэбиэскэй Сойуус Дьоруойа Фёдор Охлопков. Байаҕантай улууһун Кириэс-Халдьаайытыгар 1908 сыллаахха төрөөбүтэ. Аан бастаан бииргэ төрөөбүт быраатын кытта пулеметчиктар этэ, биир расчекка сулууспалаабыттара, быраата ыараханнык бааһыран өлбүтүн кэннэ снайпер буолбута.
🔹2012 — учуонай, Аҕа дойду улуу сэриитин кэмигэр аармыйа разведчига Николай Самсонов. Ньурбаҕа Антоновка сэлиэнньэтигэр 1925 сыллаахха төрөөбүтэ. Дьоппуоннары кытта сэрии кыттыылааҕа, Порт-Артурга (билигин Кытай Далянь куоратын сорҕото) сэриини түмүктээбитэ.
https://sah.wikipedia.org/wiki/Охлопков_Фёдор_Матвеевич
https://sah.wikipedia.org/wiki/Ыам_ыйын_28
https://sah.wikipedia.org/wiki/Николаев_Айсен_Сергеевич
https://sah.wikipedia.org/wiki/Спиридонов_Юрий_Васильевич
https://sah.wikipedia.org/wiki/Самсонов_Николай_Георгиевич
https://sah.wikipedia.org/wiki/Уххан
