Ыам ыйын 10 күнэ, Бикипиэдьийэҕэ сурулларынан, Саха сиригэр олох араас эйгэтигэр бэйэлэрин ааттарын-суолларын хаалларбыт биллэр дьон төрөөбүт: Ньурба Куочайыгар Николай Чусовской, Бастакы Моорукка Еремей Порядин, Бэтинчэҕэ Татьяна Мыреева, Үөһээ Бүлүү Иккис Үөдүгэйигэр Пётр Одорусов уо.д.а. Аллара баар сигэни баттааҥҥын Бикипиэдьийэҕэ сиһилии аах.
🔹1503 — Христофор Колумб Кайман арыыларын булбут.
🔹1877 — Румыния Османнар империяларыттан тутулуга суоҕун биллэрбит.
🔹1931 — ЯЦИК «О национальных районах и внешних границах Якутской АССР» диэн уурааҕа тахсыбыта. Бу уурааҕынан эбэҥкилэр олорор сирдэригэр хас да оройуон тэриллибитэ уонна Чукотка национальнай уокуруктан Саха АССР састаабар Арҕаа Туундара сирэ киирбитэ, ыам ыйын 20 күнүгэр Аллараа Халыма оройуона диэн ааттаммыта.
🔹1939 — Халыма-Индигир пароходствота үөскээбит.
🔹1942 — Дьокуускайга Польша посольствотын үбүлээһининэн польскай начальнай оскуола аһыллыбыт. .Бу оскуолаҕа депортацияҕа түбэспит поляктар оҕолоро үөрэммиттэр. Бастакы үөрэх сылыгар 86 оҕо үөрэммит. Бу оскуола 1944 сыллаахха от ыйыгар поляктар дьиэлэригэр барбыттарын кэннэ сабыллыбыт.
🔹1993 — Кыргыстаан бэйэтэ туспа харчыламмыт.
🔹1994 — Соҕуруу Африка Өрөспүүбүлүкэтигэр бэрэсидьиэнинэн маҥнайгы олохтоох хара нэһилиэнньэттэн төрүттээх киһи Нельсон Мандела талыллыбыт.
Төрөөбүттэр:
🔸1910 — Ньурба Куочай нэһилиэгэр Александровка сэлиэнньэҕэ Сэбиэскэй Сойуус Дьоруойа Николай Чусовской (26.07.1977 өлб.) төрөөбүт. ЯНВШ-ны бүтэрэн баран онно сулууспалаабыт, онтон Омскайдааҕы байыннай училищеҕа үөрэммит. Иккис аан дойду сэриитигэр 1945 сыллаахха аатырбыт Зеелов үрдэллэрин ылыыга аата-суола сураҕырбыта. Майор Чусовской сатабыллаах хамаандалааһынан батальона өрүһү туораан, уулуссаҕа кыргыһыылар түмүктэригэр Зеелов куораты ылбыта.
🔸1925 — Бастакы Моорукка «Кыым» фотокорреспондена Еремей Порядин, сэрии кыттыылааҕа.
🔸1928 — Бэтинчэҕэ Татьяна Мыреева — Саха АССР үтүөлээх артыыһа.
🔸1931 — Үөһээ Бүлүү Иккис Үөдүгэйигэр «Тыыннаахтар умнубат сыллара» ырыа ааптара, мэтэдиис учуутал Пётр Одорусов.
🔸1951 — Федор Васильев (20.07.1994 өлб.) — сахалар сэриигэ сыһыаннарын чинчийбит устуорук-этнограф, устуоруйа билимин хандьыдаата.
🔸1953 — Николай Оконешников уларыта тутуу саҕана аатыра сылдьыбыт, кэлин Анголаҕа тутуунан дьарыктаммыт саха урбаанньыта.
Өлбүттэр:
🔹1849 — Хокусай, Дьоппуон Эдо кэминээҕи уруhуйдьута.
https://sah.wikipedia.org/wiki/Чусовской_Николай_Николаевич
https://sah.wikipedia.org/wiki/Ыам_ыйын_10
https://sah.wikipedia.org/wiki/Оконешников_Николай_Егорович
https://sah.wikipedia.org/wiki/Мандела_Нельсон
https://sah.wikipedia.org/wiki/Порядин_Еремей_Никитович
https://sah.wikipedia.org/wiki/Одорусов_Пётр_Поликарпович
