29 Кулун тутар 29.03
  • -14°
  • $ 92,26
  • 99,71

«Якутия 24» ханаал саҥа эфирдэннэ

11:23, 26 августа 2019
Текст:
Читайте нас на
Яндекс Новости
ЯДВ

“Саха” национальнай көрдөрөр-иһитиннэрэр хампаанньа “Якутия 24” ханаала быйыл от ыйыттан 12.00 чаастан 13.00 чааска диэри көстөр саҥа быһа эфирдэннэ.

“Биир чаас устата “Якутия 24” уонна “Саха” НКИХ ханаалларынан быһа эфир көстөр. Бу эфир кэмигэр көрөөччүлэрбит күннээҕи сонуннары билиэхтэрин, “Спорт”, “ЧП”,

“Экономика” диэн рубрикалары көрүөхтэрин сөп. Маны таһынан биһиги кэрэспэдьиэннэрбит  уста сылдьар сирдэриттэн быһа сибээскэ тахсан сиһилии кэпсииллэр. Онон биир чаас устата көстөр эфир быдан киэҥ ис хоһоонноох, сэргэх буолла”, – диэн “Якутия 24” ханаал продюсера Алекдина Соловьева кэпсээтэ.

Ону таһынан Нерюнгриттан быһа холбонон, сонуннары сырдаталлар.

“Хампаанньа кыаҕын, күүһүн толору туһанан, сонун, иһитиннэрии сойбокко көрөөччүгэ тиийэригэр дьулуһабыт. Холобур, анал камеранан кэрэспэдьиэннэр тута түбэлтэ эбэтэр тэрээһин буола турар сириттэн эфиргэ тахсыахтарын сөп”, – диэн Алекдина Соловьева бэлиэтээтэ.

Следите за самым важным и интересным в Telegram-канале и WhatsApp-группе ЯСИА