29 Кулун тутар 29.03
  • -10°
  • $ 92,26
  • 99,71

Волонтерство туһунан сокуон олоххо киирдэ

17:14, 03 мая 2018
Текст:
Читайте нас на
Яндекс Новости
ЯДВ

Ыам ыйын 1 күнүттэн волонтерство туһунан федеральнай сокуон олоххо киирдэ. Бу үтүө дьыала хамсааһыныгар, сайдыытыгар инники хардыы буолар – быраап, кыах элбиир, мэһэй аҕыйыыр.

“Үтүө санааланыы уонна үтүө санаалар тэриллиилэрэ”, “Коммерческэйэ суох тэриллиилэр” федеральнай сокуоннарга уларыйыылар киирдилэр. Сокуон “волонтерство” уонна “добровольчество” диэн өйдөбүллэри тэҥнээтэ, волонтерскай тэриллиилэр, волонтердар, волонтерскай үлэ тэрийээччилэрин статустарын быһаарда. Ону таһынан, федеральнай сокуон судаарыстыбаннай былаас уорганнара, олохтоох салайыныы уорганнара уонна кинилэргэ бас бэринэр тэрилтэлэр добровольческай (волонтерскай) тэриллиилэри уонна кинилэр тэрийээччилэрин кытта бииргэ хайдах үлэлииллэрин туһунан балаһыанньалары чопчулаата.

Дьокуускай куоракка буолбут бырааһынньыктааҕы демонстрацияны “Россияҕа үтүө дьулуур сыла” колонната саҕалаабыта олус бэлиэлээх түгэн. Колоннаҕа ыччат дьыалатын уонна дьиэ кэргэн бэлиитикэтин министиэристибэтин үлэһиттэрэ, Саха сирин доброволецтара, саллааттар уонна мотуруостар төрөппүттэрин кэмитиэтин активистара, дьиэ кэргэҥҥэ уонна ыччакка көмөлөһөр социальнай психологическай киин үлэһиттэрэ киирбиттэрэ.

Афанасий НОЕВ, «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА