Госдума спикера Вячеслав Володин миниистирдэр кабинеттарын баһылыга Михаил Мишустиҥҥа пандемия кэмигэр бородууктаҕа сыананы үрдэтиини оһуобай хонтуруолга ыларыгар эттэ.  Билигин, бэрэссэдээтэл бэлиэтээбитинэн, сорох оҕуруот аһыгар уонна фруктаҕа сыана 10-ча бүк улааппыт, диэн СИА Парламентская газета сигэнэн суруйар.


Володин Владимир Путин муус устар 8 күнүгэр гражданнары өйүүргэ эбии миэрэлэри ылынар туһунан эппитин санатта.

«Атыы-эргиэн тэрилтэлэрэ, ордук бөдөҥ кииннэр, судаарыстыба дьоҥҥо көмө, эбии төлөбүр, хамнас быһыытынан көрөр өйөбүлүн ылаллар, — диэтэ Володин «Биир ньыгыл Россия» фракция бырабыыталыстыбаны кытта мунньаҕар. — Миэхэ билигин «Пятерочка», «Лента», «Магнит» эргиэн кииннэрэ оҕуруот аһын атыылаһар сыаналарын биллэрбиттэрэ баар. Биир киилэ оҕурсуну 27,50 солк ылаллар… уонна 149,9 солк атыылыыллар».

Маннык балаһыанньа атын бородууктаҕа эмиэ көстөр. Сыана помидорга үрдээтэ, имбирьга, лимоҥҥа сыана 20 төгүл таһынан барда.

«Бу «беспределы» тохтотор наада», — диэтэ спикер. Итиэннэ аҥардас тохтоппокко эрэ, маннык дьайыылары сууттуохха баара диэн эбэн эттэ. «Михаил Владимирович, бу боппуруоһу бырабыыталыстыбаҕыт мунньаҕар көрөргүтүгэр. Бүтэһик суобастарын сүтэрии кэриэтэ. Итинник буолуо суохтаах», — диэн Мишустиҥҥа туһаайан эттэ.

Сигэн:

1
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.