28 Кулун тутар 28.03
  • -13°
  • $ 92,59
  • 100,27

Владивосток "Азия оҕолоро" Оонньууну ыытыыга сүрүн претендент буолла

10:01, 17 февраля 2021
Текст:
Читайте нас на
Яндекс Новости
ЯДВ

Владивосток 2022 сылга «Азия оҕолоро» норуоттар икки ардыларынааҕы спортивнай оонньууну ыытыыга сүрүн претендент быһыытынан билиннэ. Куонкурустуур хамыыһыйа куорат спортивнай эбийиэктэрин көрдө уонна өрөмүөн кэнниттэн бары ирдэбилгэ эппиэттиир буоларыгар эттэ. Бу туһунан Приморскай кыраай дьаһалтатын саайтыгар суруйдулар.


Приморскай кыраай губернатора Олег Кожемяко олунньу 15 күнүгэр Владивосток куонкурска кыайарын туһугар инфраструктураны уларытан тутууга былааны бэлэмнииргэ сорудахтаата. Регион баһылыга эппитинэн, киин куоракка улахан спортивнай тэрээһини ыытыы Приморьеҕа оҕо спордун сайдыытыгар кыаҕы үөскэтиэҕэ.

Губернатор эппитинэн, «Азия оҕолоро» Уһук Илиҥҥи региоҥҥа эрдэ буолбута — Саха сиригэр уонна Сахалиҥҥа.

«Бу күрэхтэһии Россия оҕолорун умсугутар, маны сэргэ АТР дойдуларын. Биһиги кыраайбыт оҕолоро бэйэлэрин күүстэрин-кыахтарын атын регионнары кытта холонуохтара. Биһиги стадионнары, спортивнай былаһааккалары өрөмүөннээн, бэлэмнэниэхпитин наада. Биһиэхэ РФ спорт уонна үөрэх министиэристибэлэрэ көмө буолаллар. Муниципальнай тэриллиилэр, Владивосток, кыраай спортка министиэристибэтэ күрэхтэһиини дьоһуннаах таһымҥа ыытан, кыраай кыаҕын толору көрдөрөллөрүгэр эрэнэбин», – диэтэ кини.

Барыллааһын быһыытынан, эдэр спортсменнар 22 көрүҥҥэ күрэхтэһиэхтэрэ. Ол иһигэр приморскайдааҕы спорт көрүҥэ — эрдинии биир бастакынан бэбиэскэҕэ киириэҕэ.

Сиһилии https://ysia.ru/vladivostok-stal-glavnym-pretendentom-na-pravo-provesti-igry-deti-azii/

Следите за самым важным и интересным в Telegram-канале и WhatsApp-группе ЯСИА
Тутаах тыллар