Бүгүн, муус устар 15 күнүгэр, Дьокуускайга буолбут «Чөмпүйүөннэр Лигалара» хапсаҕайга коммерческай турнир кыайыылааҕынан Кэбээйи ыччата кумахха тустууга аан дойду чөмпүйүөнэ Владислав Левчиков буолла.


Күрэхтэһиини «Боотур» продюсерскай киин уонна спортивнай комментатор Дьулустаан Захаров тэрийдилэр. Манна араас тэрилтэлэр ааттарыттан Саха сирин биллэр-көстөр 32 хапсаҕайдьыта күрэхтэстилэр.

Кыайыылаах Владислав Левчиков «UDS-game» тэрилтэ аатыттан күрэхтэстэ. Кини финалга Муоматтан төрүттээх «Япошка» авторазбор аатыттан киирсибит Евгений Габышевы кытта хапсаҕайдаата. Финал, күрэхтэһии балаһыанньатынан, иккитэ кыайыынан быһаарылынна.

edersaas.ru

0
0
comments powered by HyperComments