Хаҥалас улууһун Чапаев сэлиэнньэтигэр дьоҕурдаах оҕолор инники идэлэрин талалларыгартирэх буолар үөрэх кыһата – Саха өрөспүүбүлүкэтин наукаларын Аччыгый академията, Норуоттар икки ардыларынааҕы чинчийэр оскуола баар.


Манна сыллата 5 тыһ. оҕо кэлэн үөрэнэр. Базаны кэҥэтэр сыалтан, быйыл саас 150 миэстэлээх үөрэнэр-лабораторнай куорпуһун, 100 миэстэлээх интэринээтин бастакы сыбаайата түспүтэ. Тутуу ньиэби хостуур «Роснефть» уонна «Таас Үрэх» хампаанньалар үбүлээһиннэринэн ыытыллар, 2019 сылга бүтүөхтээх.

Бэҕэһээ бырабыыталыстыба бэрэссэдээтэлин э.т. Владимир Солодов манна сылдьан тутуу хаамыытын билистэ, Аан дойдутааҕы интеллектуальнай оонньууга кэлбит оҕолору кытары көрүстэ. 

Араас дойду бэрэстэбиитэллэрэ миниистирдэр кэбиниэттэрин баһылыгын болҕомтотугарбэйэлэрин бырайыактарын билиһиннэрдилэр«Время вперед: Как железные дороги меняют Якутию? (19-21 века)» бырайыак тьютордара Роман Шляхтин (Москва), Айтал Яковлев(Дьокууускай) тимир суолу тутуу Саха сиригэр сабыдыалын чинчийэллэр. Сыыппарананчахчылары үөрэтэллэр, тимир суол тутуутун моделын остуол оонньуутун көмөтүнэн уонна куорпуснай лингвистика ньыматынан оҥороллор. Ону таһынан, Аллара Бэстээххэ тахсаннар, олохтоохтортон ыйытык хомуйар санаалаахтар.

«Айанньыт саха сылгыта» бырайыак тьютордара Андрей Яковлев (Дьокуускай), Даница Деспотович (Сербия) Сибиир тыйыс усулуобуйатыгар адаптацияламмыт сылгы дэҥҥэ көстөр боруодатын Python тылынан уонна генетическай алгоритм көмөтүнэн бырагыраамалыыллар.Надиа Моро (Италия) уонна Яна Суслова (Санкт-Петербург) салайар бырайыактарынкыттыылаахтара Өктөм олохтоохторун кытта билсэн-көрсөн, саха дьоно хайдах олороллорун туһунан документальнай киинэ уһулар былааннаахтар. Ити курдук, Арассыыйаттан, Белоруссияттан, Боснияттан, Герцеговинаттан, Хорватияттан, Словенияттан, Сингапуртан, Гонконгтан, Филиппинаттан, Таиландтан, Мексикаттан, Ирантан о.д.а. дойдуттан элбэх оҕо кэлбит. Владимир Солодов оскуолаларга урбааны киллэрии туһунан туоһуласпытыгар, итинник уопут Арассыыйаҕа уонна тастыҥ дойдуларга, холобур, Сингапурга баарын эттилэр.

Түмүккэ Владимир Солодов Норуоттар икки ардыларынааҕы оскуола салайааччыларыгар махтанна, ситиһиилээх үлэни баҕарда диэн бырабыыталыстыба бэрэсэдээтэлинсэкиритэрийээтэ тиэрдэр.

Евдокия Слепцова, «Саха сирэ» edersaas.ru

Мария Васильева хаартыскаҕа түһэриитэ (СИА)

0
0
comments powered by HyperComments