РФ Президенэ Владимир Путин правительствоҕа 2019 сыл ахсынньы 1 күнүгэр диэри Уһук Илиҥҥэ учууталларга уонна быраастарга көҕүлүүр төлөбүрдэри икки төгүл улаатыннарар туһунан эттэ.  Дьаһал «Земский доктор» уонна «Сельский учитель» программалар чэрчилэринэн ыытыллыа. Докумуон Кремль сайтыгар таҕыста, онно сигэнэн «РИА Новости» суруйар.


Уһук Илин территориятыгар тыа сирдэригэр, оробуочай бөһүөлэктэргэ, куорат тииптээх бөһүөлэктэргэ «Земский доктор» уонна «Сельский учитель» программанан үлэлии тиийбит учууталларга уонна быраастарга көҕүлүүр төлөбүрдэригэр эбии үрдэтэр коэффициеннары төлөбүр кээмэйиттэн көрөн 200%-ҥа тиийэ киллэрэргэ», — диэн этиллэр сорудах испииһэгэр.

Сорудаҕы толорууга эппиэтинэстээҕинэн Россия премьер-миниистирэ Дмитрий Медведев, доруобуйа харыстабылын миниистирэ Вероника Скворцова, Приморскай кыраай губернатора Олег Кожемяко ананнылар. Толорор болдьохторо — ахсынньы 1 күнэ.

Владимир Путин балаҕан ыйын саҕаланыытыгар Илиҥҥи экономическай форумҥа «Земский доктор» уонна «Сельский учитель» программалары Уһук Илин усулуобуйатыгар сөп түбэһиннэрэр наадалааҕын туһунан эппитэ. Кэлин Скворцова ыраах, суола-ииһэ суох нэһилиэнньэлээх пуунннарга эдэр исписэлиистэри олохсутарга бу программалар кэлэр сылтан үлэлиэхтэрэ диэн биллэрбитэ.

Сигэн:

0
0

Хоруй суох