Владимир Путин төрдүс төгүлүн Арассыыйа Федерациятын бэрэсидьиэнин дуоһунаһыгар олордо. Саха сиригэр бу үтүө түгэн, тоҕо диэтэххэ, Уһук Илин экэниэмикэтин бөҕөргөөһүнэ былааннаахтык барыаҕа.
Судаарыстыба баһылыгын тезиһигэр олоҕуран, 2025 сылга манна 118 тыһыынча саҥа үлэ миэстэтэ тахсыаҕа.
Уһук Илин сайдыытыгар урутаан сайдар сир-уот төһүү буолуоҕа. Билиҥҥи туругунан 18 ТОР тэрилиннэ, итиннэ 211 резидент регистрацияланна. Онон 40 тыһыынча үлэ миэстэтэ тэриллиэҕэ.
Уһук Илин сайдыытыгар сүрүн болҕомто Саха сиригэр ууруллар. Манна үөрэхтээһин уонна доруобуйа харыстабыла күүскэ сайдар.
Саха сиригэр 2014 сылтан Чайыҥдаттан Азия-Тиихэй акыйаан регионугар гааһы ыытыы бырайыага олоххо киирэр. Саха сирин соҕуруу өттүгэр таас чоҕу хостооһуҥҥа икки хайа-байытар комплекса үлэҕэ киирдэ.
Онон чугастааҕы 6-7 сылга өрөспүүбүлүкэ сирэ-уота кэскиллээх бырайыактары олоххо киллэрэр былаһаакканан буолуоҕа.
Айаал Яковлев.
