29 Кулун тутар 29.03
  • -14°
  • $ 92,26
  • 99,71

Владимир Путин: Федеральнай университеттар промышленнай, социальнай уонна технологическай сайдыы флагманнара буолар аналлаахтар

09:22, 31 января 2018
Текст:
Читайте нас на
Яндекс Новости
ЯДВ

Соторутааҕыта дойду бастыҥ үрдүк үөрэхтэрин кытта телемостка Владимир Путин федеральнай университеттар ситимнэрин тэрийии үлэтэ 2006 сыллаахха Сибиирдээҕи уонна Соҕурууҥу кыһалартан саҕаламмытын бэлиэтээтэ.


«Ити инникигэ туһуламмыт, уһун болдьохтоох соруктары толорууга сыалламмыт бырайыак. Федеральнай университеттар Арассыыйа территориятыгар уонна араас салааларыгар промышленнай, социальнай уонна технологическай сайдыы флагманнара буолар аналлаахтар, дойдубут киэҥ-куоҥ сирин-уотун, ол иһигэр Арктиканы, Сибиири уонна Уһук Илини баһылааһыҥҥа көмөлөһүөхтээхтэр. Ол иһин биһиги үөрэхпит кииннэрин сайыннарыыга үгүс үбү-харчыны ыыттыбыт уонна бу программалары экономика кириисиһин судургута суох кэмигэр салҕаатыбыт. Бүгүн бу бырайыак табылынна диэн эрэллээхтик этиэххэ сөп», — диэн тоһоҕолоото Владимир Путин телемост кэмигэр.

Санаттахха, Арассыыйа федеральнай университеттарын ситимигэр: Сибиирдээҕи (Красноярскай куоракка), Соҕурууҥу (Ростов-на-Дону к.), Хотугу эбэтэр Арктическай (Архангельскай к.), Казанскайдааҕы (Приволжскай к.), Уральскайдааҕы (Екатеринбург к.), Уһук Илиҥҥи (Владивосток к.), Хотугулуу-Илиҥҥи (Дьокуускай к.), Балтийскайдааҕы (Калининград к.), Хотугулуу-Кавказскай (Ставрополь к.), Крымскайдааҕы (Симферополь к.) кыһалар киирэллэр.

Следите за самым важным и интересным в Telegram-канале и WhatsApp-группе ЯСИА