29 Кулун тутар 29.03
  • -12°
  • $ 92,26
  • 99,71

Владимир Федоров: «Созвездие Марии» пьесанан киинэни устуу артыыстарга чэпчэкитэ суох

12:44, 03 ноября 2016
Текст:
Читайте нас на
Яндекс Новости
ЯДВ

Андрей Борисов туруоруутунан «Созвездие Марии» пьесатынан уус-уран киинэ ситиһиилээхтик уһулла турар. Салгыы Карелияҕа устуохтара. Пьеса ааптара Владимир Федоров манна сырытта уонна «Якутия» хаһыаты кытта санаатын үллэһиннэ.


«КАРО продакшн» (генеральнай дириэктэр Юрий Обухов) «Сахафильм» киинэ устуудьуйатын кытта үлэлииллэр. РФ уонна СӨ култуураҕа министиэристибэлэрэ күүскэ өйүүллэр. Киинэ режисеера Дмитрий Суворов, оператор — Григорий Рудаков. Сүрүн оруоллары Евгений Ткачук, Алина Ланина оонньууллар. Витус Берины Валерий Баринов оонньуур. Ону таһынан Данил Якушев, Сергей Рост уонна Дмитрий Никулин оруоллары толороллор. Киинэни Карелия Сортавала куоратыгар усталлар.

Киинэҕэ Витус Беринг экспедициятыгар киирэр хоту сир чинчийээччилэрэ кэргэннии Василий уонна Татьяна Прончищевтар, Семен Челюскин Лаптев муоратынан, Өлүөнэ өрүһүнэн айаннара ойууланар.

Нуучча суруйааччыта, поэта, пьеса ааптара Владимир Федоров этэринэн, киинэҕэ XVIII үйэтээҕи Арассыыйа бу баардыы ойууланар. «Киинэни оҥорооччулар хара маҥнайгыттан үрдүк таһымнаах, идэтийбит киинэни устабыт диэбиттэрэ. Манна дьиҥнээх историческай, этнографическэй чахчылары көрдөрүөхтэрэ. Номоххо киирбит дьоруойдар үөрүүлэрэ, тапталлара, кыһалҕалара тилэри көрдөрүллүө», — диир ааптар.

«Якуцк» дюбель-шлюпки палубатыгар тахсан баран ааптар улаханнык сөхпүтүн кистээбэт.

Федоров этэринэн, Ладожскай күөлгэ буолбут силлиэни устубуттар. Устар бөлөх мантан олус үөрбүт. Ардахтыыр массыына, искусственнай хаар наада суох буолбут. Ол эрээри артыыстарга ыарахан этэ.

«Ладожскай күөлгэ Саха тыйаатырын артыыстара – удаҕан кыыс оруолун оонньуур Тамара Обутова, Егоров гардемарины оонньуур Василий Борисов, Пётр Андреев бааллар. Элбэх дьону Санкт-Петербургтааҕы постпредство хааччыйда», — диир ааптар.

Следите за самым важным и интересным в Telegram-канале и WhatsApp-группе ЯСИА