Саха сирин атыы-промышленнай балаататын президенэ Владимир Членов Госдума быыбарыгар бэйэлэрин кандидаттарын туруорунааччылартан Андрей Борисовы сүтэриитэ инникитин улахан охсуулаах буолуон сөбүн туһунан этэр.


«Андрей Борисовы быыбартан туоратыахтарын сөп. Мин маны утарабын уонна хара пиар наадата суох диэн уопсастыба сөптөөх санаатыгар холбоһобун. Мин саныахпар, онто да суох кэбирэх гражданскай уопсастыбаны бу төрдүттэн алдьатар. Илии баттааһынын хомуйууга тахсыбыт араллаан – сакаастаммыт дьыала буолара билиннэ. Көрдөрөр-иһитиннэрэр тиһиктэргэ тахсыбыт суруйууларынан сыаналаатахха, бу дьыала кэтэҕэр сорох баартыйалар тураллар», — диэн СИА-ҕа Владимир Членов эттэ.

«Миигин кытта үгүстэр сөпсөһөллөр. Саха сирин олохтоохторо бэйэ-бэйэни өйдөһөллөрүн таһынан көмөлөһүү булгуччу баар буолуохтаах. Тоҕо диэтэххэ, Хоту сиргэ бу сүрүн ирдэбил. Маннык сыһыан урут-уруккуттан баара уонна сөптөөҕүн кэм-кэрдии туоһулаата. Бэйэ-бэйэҕэ утарыта турсубакка, төттөрүтүн ситэрсиэхтээхпит. Норуот духуобунай лидерин кандидаттан устуу өрөспүүбүлүкэ олохтоохторугар барыларыгар охсуулаах буолара чахчы. Бу тугунан да толоруллубат, ситэриллибэт сүтүк саҕаланыыта. Оччотугар тус корпоративнай интэриэһи өрө туппут дьон быыбарга кыттар кутталлара үөскүүр», — диир кини.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.