Спортивнай старт бэриллиэн иннинэ Ил Түмэн бэрэссэдээтэлин солбуйааччыта Ольга Балабкина Саха сирин самбоҕа сүүмэрдэммит хамаандатын кытта көрүстэ.
Ольга Балабкина киэҥ далааһыннаах спортивнай тэрээһин иннинэ истиҥ тылынан эдэр спортсменнарга ситиһиилэри баҕарда. Самбоҕа Саха сири хамаандатын Нерюнгри уонна Алдан спортивнай оскуолаларын иитиллээччилэр толороллор. Ольга Балабкина ити уокуруктан норуот депутата буоларынан бу хайысхаҕа оҕолор бэлэмнэниилэригэр уонна ситиһиилээхтик кыттыыларыгар олус кыһаллар.
Парламентарий саха төрүт спорт көрүҥнэрин сэргэ, өрөспүүбүлүкэҕэ аан дойду атын норуоттарын дириҥ философияларын, олох мындырын, араас физическэй уонна спортивнай култуураны иҥэрэр атын спорт көрүҥэ эмиэ сайдыахтааҕын бэлиэтээтэ. Депутат самбо национальнай единоборство саамай бастыҥ практиката түмүллүбүт көрүҥүнэн буоларынан, куруук сайыннарыыга, саҥардыыга, бастыҥ буоларга дьулуһарын бэлиэтээтэ.
Ольга Балабкина сүүмэрдэммит хамаанда кылаабынай тренеригэр Талиб Еросейновка спортменнары бэлэмнээбитигэр махтанна уонна кыайыылары баҕарда.
