Саха тустууга, ХИФУ физическэй култуураҕа уонна спортка институтун устудьуона Виктор Рассадин Россия сүүмэрдэммит хамаандатын састаабыгар киирэн, аан дойду Кубогар үрүҥ көмүс мэтээли ылары ситистэ.
«Тренер Дзамболат Тедеев салайааччылаах Россия сүүмэрдэммит хамаандата аан дойду Кубогар бөлөх таһымын 3:5 ахсааннаах туораан баран Иран хамаандатыгар хоттордо. Россия састаабыгар баар тустууктар бэйэлэрин бөлөхтөрүгэр Грузия, Монголия, Турция бөҕөстөрүн кыайбыттара», – диэн «Спорт Якутии» иһитиннэрэр. Аан дойду Кубога АХШ Лос-Анджелес куоратыгар буолан ааста.
«ХИФУ физическэй култуураҕа уонна спортка институтун устудьуона Виктор Рассадин 61 кг ыйааһыҥҥа иккитэ күөн көрүстэ. Бөлөх таһымыгар Туменбилэг Тувшинтулганы 11:3 ахсаанынан кыайда. Оттон финалга Иран бөҕөһө Масуд Эсмаилпурга кыайтарда. Россия сүүмэрдэммит хамаандата аан дойду Кубогар иккис миэстэни ылла», –диэн «Спорт Якутии» иһитиннэрдэ.
