Саҥа дьиэни үлэҕэ киллэрэргэ үгэс курдук күлүүһү туттарбакка, дьиэни көрүүгэ-истиигэ альбом-инструкцияны туттарыахтара, диэтэ СӨ архитектураҕа уонна тутуу комплексыгар миниистирэ Вера Кузакова.
Вера Кузакова этэринэн, кэнники сылларга дьиэлэри көрүүгэ-истиигэ суолта ууруллубат буолла. Ол эрээри 2011 сылтан федеральнай сокуоҥҥа уларыйыылар киирдилэр. “Салайар хампаанньалар уонна бас билээччилэр табаарыстыбалара тэриллибиттэрэ, ол эрээри кинилэр хомунаалынай өҥөнү эрэ хомуйуунан дьарыктаннылар. Дьиэ техническэй туругун көрүү диэн теххааччыйыы, өрөмүөннээһин, санитарнай туругун көрүү-истии. Биһиги дьиэлэри көрөр-истэр буолбакка, тута эрэ үөрэннибит. Нэһилиэнньэ билиитин хаҥатар туһуттан СӨ Судаарыстыбаннай сакаасчыт сулууспатын кытт акүлүүс оннугар альбом оҥорон, эбийиэги бас билээччигэ – кылаабынай бырааска эбэтэр оскуола дириэктэригэр туттарыахпыт», — диэн бэлиэтээтэ Кузакова.
Санаайа Иванова, СИА.
