Василий Егоров Екатеринбурга буолбут боксаҕа чемпионакка мэтээлгэ тиксибэтэҕэ. Ити эрээри кини өссө биир тургутууну Самара куоракка буолар Россия чемпионатыгар ааһыаҕа. Аан дойду чемпионатыгар призердаабыттар дойду чемпионатыттан босхолоноллор, диэн иһитиннэрэр «Спорт Якутии».
Василий Егоров Самараҕа дойду чемпионатыгар кыттарын кини тус тренерэ, Россия үтүөлээх тренерэ Артур Пахомов бигэргэттэ.
«Василий Егоров аан дойду чемпионатыгар мэтээлгэ тиксибэтэҕэ, ол иһин эмиэ кини курдук Екатеринбурга кыайтарбыт табаарыстарын кытта тэҥҥэ Россия чемпионатыгар бэлэмнэниэҕэ. Бу сиэрдээх быһаарыы дии саныыбын. Самараҕа Василий 52 киилэҕэ диэри кыттыаҕа», — диэтэ тренер.
Россия 2019 сыллааҕы чемпионата Самара куоракка сэтинньи 8 — 17 күннэригэр ыытыллыа. Василий Егоровы кытта өссө Саха сирин боксатын оскуолатын хас да иитиллээччитэ кыттыа.
