Василий Егоров Польшаҕа норуоттар икки ардыларынааҕы турнирга бастакы киирсиитигэр эрэллээхтик кыайда

0
25

Саха сирин боксера Василий Егоров Россия сүүмэрдэммит хамаандатын састаабыгар киирэн, Варшаваҕа Феликс Штамм кэриэһигэр ыытыллар норуоттар икки ардыларынааҕы турнирга кытта сылдьар. Күрэхтэһи бастакы күнүгэр аан дойду вице-чөмпүйүөнэ 4:1 ахсаанынан эрэллээхтик хотто.


Норуоттар икки ардыларынааҕы турнир 27 дойдуттан 136 боксеру түмтэ. Россия чиэһин 9 спортсмен көмүскүүр, итилэртэн биирдэстэринэн Европа икки төгүллээх чөмпүйүөнэ Василий Егоров буолар.

Биир дойдулаахпыт 52 киилэҕэ диэри ыйааһыҥҥа кыттар. Бастакы кирсиигэ поляк Мазиж Йозвиктыын күөн көрүстэ. Кэлэр түһүмэххэ кинилиин Рио-ҕа Олимпийскай оонньууларга кыттыбыт Германияттан Хамза Туба киирсиэҕэ.

Онлайн биэрии Польша Боксаҕа федерациятын сайтыгар ыытыллар.

0
0
[the_ad_group id="742"]