Уус Алдаҥҥа Олоҥхо декадатын чэрчитинэн сыллата ыытыллар «Олоҥхону толорууга утумнаахтык» улуустааҕы оҕолор күрэхтэрэ Бороҕон нэһилиэгэр буолан ааста.
Быйылгы тэрээһин улуус киэн туттар олоҥхоһуттарын үбүлүөйдэригэр ананна. Лөгөй нэһилиэгин олоҥхоһута Николай Петрович Бурнашев — Боодоҕос төрөөбүтэ 170, Бороҕон нэһилиэгин олоҥхоһуттара Ефим Петрович Барашков – Төппөс 130, Семен Семенович Татаринов 115, Өлтөх нэһилиэгин олоҥхоһута Иван Иванович Данилов — Тойтуун Уйбаан 125 сыллара бэлиэтэниллэр.
Күрэххэ улуус нэһилиэктэриттэн 50-ча оҕо кэлэн кытынна. Дьууллүүр сүбэҕэ олоҥхоҕо уһуйааччы, СӨ үөрэҕириитин үтүөлээх үлэһитэ Вера Троева, олоҥхону чинчийээччи, СӨ култууратын үтүөлээх үлэһитэ Мария Сивцева, олоҥхону толорооччу, тарҕатааччы, СӨ спордун үтүөлээх үлэһитэ Семен Черноградскай киирдилэр.
Күрэх түмүгүнэн оскуолаҕа киириэн иннинэ саастаах оҕолорго 1 миэстэни Дамир Готовцев (Баатаҕай) ылла, эмиэ ити нэһилиэктэн сылдьар Айнара Иванова иккис буолла, оттон үһүс миэстэни дьүүллүүр сүбэ Бэйдиҥэ оҕотугар Айсен Николаевка биэрдэ.
Иккис бөлөх:
1 м – Ваня Колодезников (Лөгөй)
2 м – Кристина Готовцева (Баатаҕай)
3 м – Мичийэ Андросова (Бэйдиҥэ), Дарина Петухова (Лөгөй)
Үһүс бөлөх:
1 м – Валера Белолюбский (Баатаҕай)
2 м – Диана Петухова (Лөгөй)
3 м – Костя Терешкин (Тулуна)
Анал ааттар:
1. Дорҕоонноох тойуктаах – Милена Охлопкова (Тулуна)
2. Кэскиллээх этээччи – Туйаара Егорова (Тулуна)
3. Түөлбэ үгэһин утумнааччы – Виринея Горохова (Өспөх)
Бөлөҕүнэн толорууга:
Улахан бөлөх:
1 м – Сыккыс (Өспөх), салайааччы П. Горохова
2 м – Дьөһөгөй (Майаҕас), сал. А.Елистярева
Орто бөлөх:
1 м – «Дьээ-буо» (Тумул), сал. Р.Софронова, В.Новоприезжий
2 м – «Кулуһун» (Лөгөй), сал. З. Лугинова
3 м – «Түһүлгэ» (Тулуна), сал. Т.Дягтерева
Олоҥхоһуттар анал бириистэрэ:
Н.П.Бурнашев аатынан анал ааты ылла Дамир Бурнашев, С.С.Татаринов аатынан анал ааты ылла Ваня Колодезников (Лөгөй), И.И.Данилов – Тойтуун Уйбаан аатынан анал бириис хаһаайына – Валера Белолюбский (Баатаҕай).
Бастыҥ салайааччынан Зинаида Лугинова ааттанна.
